ឧបនាយករដ្ឋមន្ត្រី សាយ សំអាល់ ៖ "សូមថ្លែងអំណរគុណដល់រដ្ឋបាលខេត្តព្រៃវែង មន្ត្រីរាជការ កងកម្លាំងនិងមន្ទីរជុំវិញខេត្ត
អាជ្ញាធរមូលដ្ឋាននិងប្រជាពលរដ្ឋទាំងអស់ដែលបានចូលរួមសម្រេចយុទ្ធនាការចុះបញ្ជីដីធ្លីបង្ហើយរហូតឈានមកទទួលបានវិញ្ញាបនបត្រសម្គាល់ម្ចាស់អចលនវត្ថុនៅថ្ងៃនេះ។ពីនេះទៅមុខយើងនឹងងាកមកគិតគូរលើការបញ្ចប់ការរៀបចំព្រំប្រទល់រដ្ឋបាលភូមិឃុំស្រុកខេត្តនិងអាសយដ្ឋានឲ្យបាន ហើយសូមបងប្អូនងាកមកគិតគូរលើការបង្កបង្កើនផលចិញ្ចឹមសត្វប្រកបរបរចិញ្ចឹមជីវិតបង្កើនចំណូលនិងចូលរួមរៀបចំទីក្រុងនិងទីប្រជុំជនសួននិងលំហរសាធារណៈឲ្យស្អាតមានសោភ័ណភាពនិងរក្សាបាននូវឧត្តមប្រយោជន៍ជាតិ នេះជាប្រសាសន៍លើកឡើងរបស់ឯកឧត្តម ឧបនាយករដ្ឋមន្ត្រីសាយសំអាល់ រដ្ឋមន្ត្រីក្រសួងរៀបចំដែនដីនគររូបនីយកម្មនិងសំណង់ សុំបញ្ជាក់ថាខេត្តព្រៃវែងគឺជាខេត្តដែលមានក្បាលដីច្រើនជាងគេក្នុងប្រទេសកម្ពុជា ការចាប់ផ្តើមប្រគល់វិញ្ញាបនបត្រសម្គាល់ម្ចាស់អចលនវត្ថុបញ្ចប់ជូនប្រជាពលរដ្ឋក្នុងភូមិសាស្ត្រស្រុកកំចាយមារខេត្តព្រៃវែង ការចាប់ផ្តើមប្រគល់វិញ្ញាបនបត្រសម្គាល់ម្ចាស់អចលនវត្ថុបញ្ចប់ជូនប្រជាពលរដ្ឋក្នុងភូមិសាស្ត្រស្រុកកំចាយមារខេត្តព្រៃវែងនេះផងដែរក៏មានការអញ្ជើញចូលរួមពីឯកឧត្តមជាសុមេធីរដ្ឋមន្ត្រីក្រសួងសង្គមកិច្ចអតីតយុទ្ធជននិងយុវនីតិសម្បទា នេះបើយោងទៅតាមកម្មវិធីប្រគល់វិញ្ញាបនបត្រសម្គាល់ម្ចាស់អចលនវត្ថុបញ្ចប់ជូនប្រជាពល ក្នុងភូមិសាស្ត្រស្រុកកំចាយមារខេត្តព្រៃវែង ថ្ងៃទី៣១ ខែកក្កដា ឆ្នាំ២០២៦នេះ៕
No comments:
Post a Comment